SAHMAN proqramının əsas məqsədi turizm sənayesi nümayəndələri tərəfindən sanitariya və gigiyena qaydalarına əməl olunmasını təmin etməklə ölkə daxilində və beynəlxalq aləmdə Azərbaycanı təhlükəsiz turizm məkanı kimi tanıtmaq və rəqabətliliyini artırmaqdır.

Proqrama qoşulanlar 3 istiqamətdə dəstək əldə edə biləcəklər: Təlim, Zəruri ləvazimatlarla təchizat (tələb əsasında) və Marketinq dəstəyi.

Proqrama qoşulmaq üçün sahman.az veb səhifəsinə daxil olaraq, "proqrama qoşul" düyməsini sıxıb, şirkətinizin məlumatlarını daxil etməklə qeydiyyatdan keçə bilərsiniz.

Təlimdə proqrama qoşulmuş sahibkarlıq subyektinin rəhbərliyi tərəfindən müəssisənin işçi heyəti arasından müəyyən edilmiş şəxs iştirak edə bilər.

Proqram çərçivəsində təşkil olunan təlimlərdə iştirak edib, müvəffəqiyyətlə başa vurmaqla sertifikat əldə etmək olar.

Bu, təmsil etdiyiniz müəssisənin fəaliyyətində proqram tələblərinə əməl olunmasını təmin etmək üçün əsas məsul şəxsə çevrilmək deməkdir.

Nişanı əldə etmək üçün müəssisənin nümayəndəsi təlim proqramını uğurla başa vurmalı, müəssisə rəhbəri proqram şərtlərinə əməl olunmasına dair öhdəlik sənədini imzalamalı, bütün tələblərə əməl olunduğunu təsdiq etməlidir. Nişanı əldə etmək həm də Azərbaycan Turizm Bürosu tərəfindən zəruri marketinq və brendinq dəstəyi qazanmaq deməkdir.

Marketinq və brendinq dəstəyi təqdim etdiyiniz turizm məhsulunun www.maceryaxindadir.az saytinda istehlakçılara təqdim edilməsi imkanı qazanırsız. Digər tərəfdən, Sahman nişanı əldə etmək müəssisənizin təhlükəsizlik imicini daha da möhkəmləndirəcək.

Bu Agentlik tərəfindən proqramda iştirak etmək istəyən, təlimi uğurla başa vuran, lakin müvafiq tələbləri yerinə yetirməkdə çətinlik çəkən müəssisələrə maddi (sanitariya və gigiyena ləvazimatlarının təchizatı formasında) dəstəyin təmin olunmasıdır. Dəstəyin həcmi müəssisənin müvafiq göstəriciləri əsasında müəyyən olunacaqdır.

Monitorinq və audit yerli və beynəlxalq tərəfdaşların (PwC audit şirkətinin timsalında) iştirakı ilə Agentliyin müvafiq nümayəndələri tərəfindən həyata keçiriləcəkdir.

Aparılan audit və monitorinqlər nəticəsində nişan əldə etmiş müəssisənin proqramın tələblərinə əməl etmədiyi aşkar olunarsa, həmin müəssisə əlavə təlimə cəlb olunacaqdır. Bu hal təkrarlanarsa, müəssisə proqramdan kənarlaşdırılacaqdır